Jamaatul-Ash-Ariy Islamic School Admission

TAFADHALI SOMA MKATABA HUU KWA UMAKINI:-

MKATABA WA KUJIUNGA NA CHUO

UTANGULIZI KUHUSU MADRASATU TANZIIHI-LLAHI ANIL - MAKAAN

TAWI KATIKA MATAWI YA JAMAATIL-KHAIR

Madrasatu jamaatil-khair ni chuo ambacho kipo Mombasa, Mkoa wa mjini Magharibi Zanzibar, chuo hiki hakisimamiwi na chama chochote wala mfadhili maalum.

Madhehebu rasmi yanayosomeshwa katika chuo hiki ni ya Imamu Shaafii pamoja na kuyaheshimu madhehebu mengine yanayotambulika, na ni chuo kinachoendeshwa kwa mfumo wa Sunni (Ahlussunna wal-jamaa) kwa mapito ya Imamu Abul-hasan al-ash-ariy.

Kwa msaada wa Allaah na tawfiq yake inshaallaah chuo kitatoa taaluma za kujifunza kusoma Qur-an tukufu, Hadithi, pamoja na kuendesha darsa za elimu za Tawhid, Fiqhi, Sira, Nahau, Swarfa, Tarbia Tafsiri ya Qur-an na kila taaluma itakayoonekana na uongozi wa chuo itakayo wasaidia wanafunzi.

Chuo kina malengo ya kusomesha viwango vifuatavyo:

• kiwango cha maandalizi
• kiwango cha msingi (ibtidayya)
• kiwango cha wastani (al-idadi)
• kiwango cha sekondary (thanawiy)

Yanayo mlazimu kuyazingatia na kuyakubali mzazi/walii kabla ya kijana wake kujiunga na chuo.

1. Mtoto aneombewa kujiunga na chuo awe na umri usipungue miaka mitatu (3)
2. Mzee akumbuke na kutekeleza wajibu wake kwa mtoto wake kwamujibu wa mafunzo ya Uislamu.
3. Mzee awe tayari kuhimiza mahudhurio ya kijana wake kila siku ya chuo, na pindi mwanafunzi atatokewa na dharura yeyote ile akawa hakuhudhuria chuoni basi mzee atawajibika kufika chuoni au kuwasiliana na uongozi wa chuo kwa ajili ya kutoa taarifa.
4. Mtoto ni lazima anunuliwe vifaa vyote vya masomo vitakavyohitajika kama vile Juzuu, Msahafu, vitabu, madaftari, kalamu nk.
5. Mzee/walii yuko huru kutoa maoni yake juu ya kijana wake au utaratibu wa chuo kwa wanaohusika kwa madhumuni ya maendeleo ya chuo.
6. Mzee/walii anatakiwa kufuata utaratibu wa kinidhamu pindi ikiwa limetokezea tatizo kwa mtoto wake.
7. Mwanafunzi anatakiwa kutii amri ya mwalimu pamoja na viongozi waliopangwa na uongozi wa chuo.
8. Mzazi/ walii/mwanafunzi atawajibika kuitikia wito mara tu atakapopewa taarifa.
9. Mzazi ni lazima atoe taarifa mapema ya matatizo ya maradhi ya mwanafunzi kama ilivyo katika kipengele cha fomu ya usaili kipengele no; 16, 17, 18.
10. Mzazi/walii ni lazima azingatie usafi wa mwili na nguo za mtoto wake.
11. Mzazi/walii atalazimika kumruhusu mtoto wake kuhudhuria masomo ya ziada wakati wa usiku pindi uongozi wa chuo utakapomtaka mtoto huyo kufanya hivyo.
12. Mzazi/walii atawaibika kulipa ada ya usajili wa mwanafunzi chuoni ambayo ni tsh 7000/= kwa kila mwanafunzi mpya.
13. Mzazi/walii atawajibika kulipa ada ya tsh 3000/= kwa kila mwezzi, ambazo atazilipa kidogokidogo kwa kila wiki au pamoja kwa kila mwezi au kwa mwaka mzima kama akitaka kufanya hivyo.
14. Mzazi/walii haruhusiwi kumuhamisha mtoto bila ya sanbabu ya msingi, na pindi akifanya hivyo atawajibika kulipa fidiya atakayodaiwa na uongozi wa chuo.
15. Mwanafunzi atakikanwa kukamilisha usajili ndani ya wiki mbili [2] baada ya kuanza kuhudhuria chuoni.
16. Mwanafunzi atalazimika kushonewa sare mara tu atakapojiunga na chuo na kuzivaa kila ajapo chuoni, ikishindikana kutokana na uwezo duni wa mzazi au sababu nyengine muwafaka chuo kitatoa muda wa miezi mitatu tu ili kupatikana sare hizo.
17. Sare ya mwanafunzi atakayoivaa inatakikanwa imuwezeshe kutekeleza ibada ya sala katika wakati wa sala na wakati wowote atakapotakikanwa kuswali.
18. N.B: Mwanafunzi anatakikanwa kuvaa sare inayoendana na sheria, murua na akhlaqi za kiislamu, kwa upande wa wanawake ni lazima sare yake ya shungi isipunguwe kunako vidole vyake vya mikono na isidhihirishe chochote katika uso isipokuwa ambacho sheria ya Uislamu imeruhusu, na atalazimika kuvaa soksi na ziada ya stara nyengine pindi uongozi utakapomtaka kufanya hivyo.
19. Kwa upande wa mwanamme atalazimika kuvaa kanzu nyeupe ambayo itakua inafunga juu kwa kifungo au zipu.
20. Mapambo ambayo hayanasibiani na mwanafunzi hayaruhusiwi katika mwili na kivazi.
21. Mirtindo yote isiyooendana na akhlaq za kiisllam hairuhusiwi
22. Mwanafunzi hatoruhusiwa kuja na chombo chochote cha electronic kama vile simu, computer na mfano wa hivyo, ispokua atakapotakiwa na uongozi kufanya hivyo.

VIPINDI VYA MAPUMZIKO

Chuo kitakua na mapumziko kama ifuatavyo:-

1. Siku ya Ijumaa na jioni ya siku ya Jumapili katika kila wiki.
2. Mwezi wa nane [8] hijriya (Shaabani) kuanzia mwezi 25 hadi mwezi mosi Ramadhani.
3. Mwezi wa tisa [9] hijriya (ramadhani) kuanzia mwezi 25 hadi mwezi kumi [10] mfunguo mosi (Shawwaal)
4. Mwezi wa kumi na mbili [12] mfunguo tatu (dhulhijja) kuanzia mwezi saba [7] mpaka siku itakayoainishwa na uongozi
5. Mwezi wa 12 (disember) kwa kipindi kitakachoainishwa na uongozi.
6. Chuo kinaweza kua na mapumziko wakati wowote patakapotokezea sababu muafaka kama vilke maafa, magonjwa maambukizi n.k kwa mujibu wa tamko la serikali.

وباهلل التوفيق

AHADI ZA MWANAFUNZI

Mimi………………………..……………………………………naahidi kwamba nitakua mtiifu na kutekeleza masharti yote ya chuo, kwani nimeyakubali yote, na endapo nitakwenda kinyume au kuvunja sheria na ahadi hii basi nipotayari kuadhibiwa, aidha nathibitisha kwamba maelezo yote niliyoyatoa ni kweli, nikielewa kwamba kutoa taarifa za uongo kunaweza kusababisha kunyimwa au kunyang’anywa nafasi nilioiomba.

SAHIHI YA MWANAFUNZI

…………………………….…

AHADI YA MDHAMINI

Mimi…………………………………………………………..naahidi kwamba nikotayari kudhamini mahitaji yote ya mwanafunzi alietajwa hapo juu na kushughulikia kila linalomuhusu.

SAHIHI YA MDHAMINI

………………………………